Mugikortasuna

Información por temas:

Síguenos en las redes sociales
> ¿Por qué seguirnos?

Lurraldeko eta hiriko ereduan gertatzen ari diren aldaketak (gero eta nahasiago eta espezializatuago), baita eredu ekonomikoan eta bizimoduetan gertatutakoak ere, mugikortasunaren jarraibideak aldatu dituzte –bai pertsonarenak, bai salerosgaienak– eta auto pribatuaren zein errepideko garraioaren erabilerari mesede egin diote. Leer más

Baldintza horietan, eredu horrek kalte egiten die kutsadura gutxien sortzen duten garraioei –eta, beraz, osasungarrienei–: garraio publikoak eraginkortasuna galtzen du eta oinezkoek eta bizikletariek hainbat oztopo fisiko aurkitzen dituzte errepideen azpiegituren eta segurtasunik ezaren ondorioz. Egoera horrek gatazka larriak sortzen ditu gure hiri eta herrietan.

Bestalde, garraioa da klima aldaketa larriagotzen laguntzen duen sektoreetako bat. Nafarroan, garraioak, 2007ko datuen arabera, azkeneko energia osoaren %37 kontsumitzen du, eta nabarmentzen da azken urteotan duen hazkunde tasarengatik: %9. Energia kontsumoei lotutako aztarna ekologikoa handitzen gehien laguntzen duen sektorea da (%44). Gainera, berotegi efektua eragiten duten gas igorpen guztien %24 sortzen du, eta 1990etik, ia %50 handitu da.

Eraginkorragoak diren eta ingurumena hobekien errespetatzen duten garraiobideak bultzatzen dituzten jarduerak eta proiektuak egiten ditu CRANAk: ibiltzea, bizikleta eta garraio publikoa, baita auto pribatuaren zentzuzko erabilera ere: autoa partekatzea eta gidatze eraginkorra.